Gizartea -
Emakumeen aurkako indarkeria
Emakume bati sexu-erasoa egiten saiatzeagatik atxilotu dute, Plentzian
Plentziatik zebilela, emakumeak bere ustezko erasotzailea atzeman zuen eta Ertzaintzari abisatu ondoren, hauek identifikatu eta atxilotu egin zuten.
Erredakzioa
Herrizaingo Sailaren arabera, 37 urteko gizon bat atxilotu zuten aurreko ostegunean Plentzian, aurreko azaroan emakume bati sexu-erasoa egiten saiatzea egotzita.
Plentziatik zebilela, sexu-eraso saialdi baten biktima zen emakumeak bere ustezko erasotzailea atzeman zuen; telefono-kabina batetik dei bat egiten ari zen gizonezko bat. Emakumeak Ertzaintzari abisatu zion, eta hauek susmagarria identifikatu eta atxilotu zuten.
Atxilotuari aurreko azaroaren 21eko gauerdian biktimari sexu-erasoa egiten saiatzea leporatu diote. Emakumearen arabera, metrotik jaisterakoan gizona atzetik joan zitzaion eta bere etxerako bidean eraso egin zion eta lurrera bota zion; baina saihestu egin zuen eta alde egitea lortu zuen.
Atxilotua ertzain-etxera eraman zuten izapide guztiak egiteko eta hurrengo orduetan epailearen aurrera eramango dute.
Tratu txarrak pairatzen dituzten emakumeentzako arreta zerbitzua: 016
