Gizartea -

INDARKERIA MATXISTA

Gizon batek bere emaztea hil du Bartzelonako Castellbisbal herrian

Erasoaren ondoren, bere burua entregatu zuen gizonezkoak polizia-etxean, eta hilketa aitortu zien udaltzainei.

Esquadra Mossoen komisaldegia, Castellbisbal herrian. Argazkia: ETBko bideo batetik hartutako irudia
Esquadra Mossoen komisaldegia, Castellbisbal herrian. Argazkia: ETBko bideo batetik hartutako irudia
Esquadra Mossoen komisaldegia, Castellbisbal herrian. Argazkia: ETBko bideo batetik hartutako irudia

AGENTZIAK | ERREDAKZIOA

Whatsapp Facebook Twitter Telegram Email

52 urteko gizon batek bere emaztea hil zuen, atzo iluntzean, Bartzelonako Castellbisbal herrian. Esquadra Mossoek zabaldutako informazioaren arabera, 23:00 inguruan izan zen hilketa.

Erasoaren ondoren, bere burua entregatu zuen gizonezkoak polizia-etxean, eta hilketa aitortu zien agenteei.

Bikotearen etxebizitzara joan ziren Esquadra Mossoak, eta, gizonak aitortu bezala, bertan aurkitu zuten emakumearen gorpua. Hilketaren inguruko informaziorik ez dute jakinarazi.

Gizonezkoa atxilotu egin dute, eta ondorengo orduotan eramango dute epailearen aurrera.

Esquadra Mossoek ikerketa zabaldu dute, gertatutakoa argitzeko. Epaitegietako iturriek jakitera eman duenez,  gizonezkoak ez du genero indarkeriarekin lotutako aurrekaririk.

Azken kasu honekin, jada 51 dira urte honetan Espainiako Estatuan indarkeria matxistak hil dituen emakumeak.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Bartzelona Gizartea Eguneko albisteak Albisteak Matxismoa

Informazio gehiago