Gizartea -
Gipuzkoa
84 urteko gizon bat hil da Zumaian, konortea galdu eta uretara erorita
Ezbeharra Talaipe inguruan jazo zen. Senide batekin paseatzen ari zela, konortea galdu zuen, eta uretara erori zen. Gizonezkoa suspertzen saiatu ziren, baina hil egin zen.
Agentziak | Erredakzioa
84 urteko gizon bat hil da bart Zumaian (Gipuzkoa), Urolako itsasadarretik gertu konortea galdu eta uretara erorita, Eusko Jaurlaritzako Segurtasun Sailak jakitera eman duenez.
Ezbeharra 19:30 aldera jazo zen, Talaipe inguruan, senide batekin paseatzen ari zela.
Konortea galdu ondoren, gizona uretara erori zen, eta harekin zihoan senideak uretatik atera zuen.
Ertzaintzaren hainbat patruila eta anbulantzia bat bertaratu ziren, eta gizonezkoa suspertzen saiatu ziren, baina hil egin zen.