Gizartea -
TRAFIKOA
Zarautz eta Zumaia arteko bidea zabaldu dute, bi lekutan txandakako pasabidea emanez
Bi noranzkotan zabaldu dute bidea, eta luiziak izan diren lekuetan semaforoen jarri dituzte.
AGENTZIAK | ERREDAKZIOA
Zumaia eta Zarautz lotzen dituen N-634 errepidea 16:00etan zabaldu dute, atzo eta gaur izandako bi lur-jausiren ondorioz itxita egon ondoren. Halere, bidea ez dute oraindik erabat garbitu, eta semaforoak jarri dituzte luiziak izan diren lekuetan, ibilgailuei txandakako pasabidea emateko.
Eusko Jaurlaritzako Segurtasun Sailak jakitera eman duenez, bi noranzkotan dago zabalik errepidea.
Azken orduotako euri-jasek eragin dituzte luiziak itsasertzeko bide horretan; atzo goizeko 09:30ean izan zan lehendabizikoa, Zumaia eta Getaria artean, eta bigarrena, gaur goizaldean, Zarautz eta Getaria artean.