Gizartea -
Emakumeen kontrako indarkeria
Bikotekideari eraso egiteagatik atxilotu dute Bermeon
Gertaera larunbatetik eta iganderako gauerdian gertatu da, gizonezko batek bikotekidea mehatxatu du lepotik heltzen zion bitartean.
Erredakzioa
Ertzaintzako agenteek 42 urteko gizonezkoa atxilotu dute Bermeon, gauerdian, emakumeen kontrako indarkeria egotzita.
Gertaera emakumea etxera iritsi denean hasi da, baina aurretik ere bikotekideak irain egin eta jarrera zakarra agertu zion Bermeoko taberna batean.
Etxera ailegatzean, gizonak atea eta markoaren artean harrapatu du emakumea eta iletik tiraka hasi zaio.
Era berean, lepotik heldu eta mehatxatu egin du. Etengabean eraso egin dio emakumeak bere gauzak hartu eta etxebizitzatik irteten saiatu den bitartean. Geroago, 112 SOS Deiakera deitzea eta laguntza eskatzea lortu du.
Jarraian Ertzaintzaren eta Udaltzaingoaren patruilak agertu dira. Biktima osasun zentrora eraman dute zauriak artatzeko eta 42 urteko gizonezkoa atxilotu egin dute emakumeen kontrako indarkeria delitua egotzita.
Tratu txarrak pairatzen dituzten emakumeentzako telefonoa:900 840 111 - 016
