Metro Bilbaoren zerbitzua berrezarri dute, seinaleztapen-sistemak huts egin ondoren

Matxura izan da gaur Bilboko metroaren seinaleztapen-sisteman, eta, ondorioz, atzerapenak sortu dira sare osoan, Metro Bilbaoko iturriek eitb.eus-i jakinarazi diotenez.

Sistema automatizatuta dago, eta horrek huts egin duenez, arazoak sortu dira metroen joan-etorrian. Itxaronaldia ezberdina izan da geltokiaren eta linearen arabera, baina zerbitzua bermatuta zegoela azpimarratu dute Metro Bilbaotik.

Matxura 12:00ak aldera gertatu da, eta zerbitzua normaltasunez berrezarri da 15:00ak baino lehen.