Langile bat hil da Zumaiako enpresa batean zorabiatu ostean

30 urteko Zumaiako (Gipuzkoa) bizilagun batek konortea galdu du Jose Mari Korta industrialdeko enpresa batean, makina batean, lanean ari zenean, Herrizaingo Saileko iturriek jakitera eman dutenez.

Langile batek zorabio bat izan duela jakinarazi du enpresa batek 13:00ak aldera. Anbulantzia bat bertaratu da, baina medikuek heriotza baieztatu baino ezin izan dute egin.

Biktimaren gorpua Donostiako Auzitegiko Medikuntza Institutura eraman dute, bertan autopsia egin diezaioten.