Gizartea -
Istripua
Bi zauritu Lezaman, N-637 errepidean izandako istripu batean
Ezbeharra 23:30ak aldera izan zen, bi ibilgailuk elkar jo zutenean. Horietako batean zihoazen bi pertsona harrapatuta geratu ziren, baina zauri larririk gabe.
Agentziak | Erredakzioa
Bi pertsona zauritu dira N-637 errepidean, Lezama parean, izandako istripu batean. Zaurituak Gurutzetako Ospitalera eraman dituzte, Segurtasun Sailak jakinarazi duenez.
Ezbeharra 23:30ak aldera izan zen, ibilgailu batek bestea atzetik jo zuenean. Ibilgailu horietako batean zihoazen bi pertsona barruan harrapatuta geratu ziren. Hala ere, zauriak ez ziren larriak izan.
Suhiltzaileak eta larrialdi zerbitzuetakoak istripuaren lekura bertaratu ziren, eta zaurituak Gurutzetako Ospitalera eraman zituzten.
Errepidea Erletxerako noranzkoan 02:00ak arte itxita egon zen, eta iturriek azaldu dutenez, zirkulazioa Zamudioko irteeratik bideratu zuten.