Gizartea -
Trafikoa
Auto-ilarak sortu dira Bilbon lehen orduan, zenbait ibilgailuk talka egin ostean
Bestalde, kamioi batek su hartu du N-644 errepidean, Santurtziko porturako sarbidean. Ondorioz, goizeko lehen orduetan errepidea itxita geratu da eta auto-ilarak sortu dira.
eitb.eus
Bi autok eta kamioi batek talka egin dute ostegun goizean A-8 autobidean, Malmasingo tuneletatik gertu, eta auto-ilara luzeak sortu dira 09:00ak aldera Bilborako sarbidean. 10:00ak baino lehen ibilgailuak normaltasunez igaro dira errepidetik.
Larrialdi zerbitzuek 08:00ak aldera jaso dute abisua, baina ez da inor zauritu, Eusko Jaurlaritzako Segurtasun Sailak jakinarazi duenez.
Bestalde, minutu batzuk geroago, kamioi batek su hartu du N-644 errepidean, Santurtziko porturako sarbidean. Ondorioz, errepidea itxita geratu da eta auto-ilarak sortu dira puntu horretan.
Bizkaiko suhiltzaileak bertaratu eta sua itzali ondoren, bidea ireki dute berriro.
