Gizartea -
Gertakaria
Emakume baten gorpua aurkitu dute Bilboko itsasadarrean
Gorpua oso hondatuta dago, baina emakumeak identifikazioa zuen gainean, eta horren arabera, 84 urte zituen eta Bilboko bizilaguna zen.
Agentziak | erredakzioa
Bilboko Udaleko garbiketa zerbitzuek 84 urteko emakume baten gorpua aurkitu dute astearte honetan itsasadarrean, Udalak jakitera eman duenez.
Langileek 09:45 aldera ikusi dute gorpua Areatza inguruan, eta Udaltzaingoari jakinarazi diote.
Udaltzainak, suhiltzaileak eta anbulantziak bertaratu dira, eta Pio Barojatik gertu lortu dute gorpua uretatik ateratzea.
Gorpua oso hondatuta omen zegoen, baina identifikazioa zuen aldean. Horren arabera, 84 urte zituen eta Bilboko bizilaguna zen.