Gizartea -
Ezbeharra
Kamioilari bat hil da istripu batean, Deban
N-634 errepidetik zihoan kamioiak kontrola galdu du Itziar eta Deba artean, eta errepidetik atera da. Ezbeharraren ondorioz, gidaria harrapatuta geratu da.
Erredakzioa
Kamioilari bat hil da gaur arratsaldean, Deban (Gipuzkoa), istripu bat izan eta gero, Eusko Jaurlaritzako Herrizaingo Sailak jakitera eman duenez. Ezbeharra N-634 errepidean jazo da.
Istripua 18:00ak aldera gertatu da. Renault kamioa errepidetik atera da kontrola galdu ostean, Deba eta Itziar artean.
Ezbeharraren ondorioz, gidaria harrapatuta geratu da eta suhiltzaileek erreskatatu behar izan dute. 20:50 aldera biktimaren heriotza baieztatu dute erreskate zerbitzuek.
Bestalde, motor-gidari gazte bat hil da gaur auto-istripuan BI-2120 errepidean, Marurin (Bizkaia).
