Gizartea -
Emakumeen aurkako indarkeria
Gizon bat atxilotu dute Bilbon bikotekide ohiari eraso egin ostean
Gertakariak Machin kalean jazo ziren ostegun honetan. Emakumea bere etxeko atarira sartu zen eta bikotekide ohia topatu zuen bertan.
Erredakzioa
35 urteko gizon bat atxilotu du Ertzaintzak Bilbon, ustez bikotekide ohiari kalean eraso egin eta gero. Biktima ospitale batean artatu behar izan zuten, erasotzaileak zauritu zuelako.
Herrizaingo Sailak jakinarazi duenez, jazoera Machin kalean gertatu da 05:30 aldera; emakumea etxera zihoan bikotekide ohiarekin topatu denean. Gizona emakumearen etxeko txirrina jotzen ari zen etengabe. Emakumeak bere jokabidea gaitzetsi dio; ondoren, gizonak ustez besotatik hartu, astindu eta lurrera bota du, hainbat ubeldura sortaraziz. Auzokide batek Ertzaintzari deitu dio eta ertzainek emakumea astintzen ikusi dute gizona.
