Gizartea -

Indarkeria matxista

Gizon bat atxilotu dute Gasteizen, emakume bati eraso egitea leporatuta

Erdiguneko taberna batean zeudela, etxera elkarrekin joatea proposatu dio gizonak emakumeari. Biktimaren etxeko atarian jazo da erasoa, sexu-harremanak izateari uko egin ostean.

Agentziak | Erredakzioa

Whatsapp Facebook Twitter Telegram Email

Ertzaintzak 20 urteko gizon bat atxilotu du ostiral honetan Gasteizen, emakume bati eraso egitea leporatuta, erdiguneko taberna batean elkar ezagutu eta ordu batzuk geroago.

Eusko Jaurlaritzako Segurtasun Sailak ohar baten bidez jakinarazi duenez, erasoa goizaldean jazo da, biktimaren etxeko atarian. Izan ere, erdiguneko taberna batean zeudela, etxera elkarrekin joatea proposatu dio gizonak emakumeari.

Lekura iritsi direnean, sexu-harremanak izateari uko egin dio, eta, gizonak, etxeko atarian bortxatu du. Ustezko erasotzailea, gertakariak jazo eta ordu gutxira atxilotu dute, Ertzaintzak ikerketa abiatu ostean.

Ildo horretatik, ikerketak irekita jarraitzen du, eta atxilotua ertzain-etxera eraman dute beharrezko eginbideak egiteko. Horiek amaitutakoan, epailearen esku utziko dute. Susmagarriak, polizia-aurrekariak ditu.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak Ertzaintza Araba Delituak Gizartea Eguneko albisteak Gasteiz Albisteak Tratu txarren biktimak Matxismoa

Informazio gehiago