Itxi

Gizartea

Wuhango pneumonia

Gurutzeta, Donostia eta Txagorritxuk koronabirusaren balizko kasuak artatuko dituzte

Agentzia | Erredakzioa

Hala ere, Osakidetzako zuzendari nagusiak gogorarazi duenez, oraingoz EAEn ez dute gaixotasuna antzeman eta osasun publikoa edozein arriskuri aurre egiteko “prest” dago.

  • Gurutzetako Ospitalea (Bizkaia). Argazkia: EFE

    Gurutzetako Ospitalea (Bizkaia). Argazkia: EFE

Beharrezkoa balitz Gurutzeta (Bizkaia), Donostia (Gipuzkoa) eta Txagorritxuko (Araba) ospitaleek koronabirusak jotako pazienteak artatzea aurreikusi du Osakidetzak.

Osasun publikoak iaz egindako lanaren balantzea eta datu nagusien berri eman du ostiral honetan Juan Luis Diego Osakidetzako zuzendari nagusiak. Hala ere, Txinako pneumonia hizpide izan du agintariak, kazetariek prentsaurrekoan galdetu diotelako.

Hala ere, biztanleriari lasaitasun mezu bat eman ostean Diegok gogorarazi duenez, oraingoz EAEn ez dute gaixotasuna antzeman eta osasun publikoa edozein arriskuri aurre egiteko "prest" dago.

Lurralde bakoitzean erreferentziazko ospitale bat aurreikusi dute buruzagiek, baina ez dute aparteko prestakuntzarik egin, beharrezkoa ez dela uste dutelako. Hala ere, Gurutzetako eta Donostiako ospitaleetan bi laborategi prestatu dituzte, beharrezkoa balitz probak egiteko.

Gaixotasun Infekziosoen Aholku Batzordeak duela astebete egoera aztertzeko bilera egin zuela azpimarratu du Diegok. Eritasun mota hauei aurre egiteko Euskadin protokolo bat dagoela erantsi du agintariak.

Diegoren hitzetan, protokoloak balizko kasu bat nola antzeman, probak, osasun-langileak babesteko neurriak eta bakartzeko baliabideak zein tratamenduak aurreikusten ditu.

Gainera, gripearen epidemiarengatik dispositiboa martxan dutela gogorarazi du buruzagiak. Koronabirusarentzako gauza bera "balioa" duela esan du, neurri higienikoei dagokionean.

  • Bisitatuena

      Kargatzen ikusiena
      Kargatzen ikusiena