Gizartea -

SUTEA

Haize zakarra dela eta, zortzi ordu behar izan dituzte Galdameseko sutea itzaltzeko

Atzo 17:45ean piztu zen sutea Gaztaineta mendian eta 02:00ak arte ez dute lortu itzaltzea. Ez da inor zauritu.

Sutearen irudiak Bilbotik Argazkia: @Asiersangar
Sutearen irudiak Bilbotik
Zortzi ordu eman dituzte Galdamesen piztutako baso-sute bat itzaltzen

0:13

AGENTZIAK | ERREDAKZIOA

Whatsapp Facebook Twitter Telegram Email

Bizkaian azken orduotan izan diren haize bolada indartsuak direla eta -toki askotan 110 km/h baino gehiago-, Bizkaiko Suhiltzaileek zortzi ordu baino gehiago behar izan dituzte Galdamesen, Gaztaineta mendian piztutako sutea itzaltzeko, Segurtasun Sailak jakinarazi duenez.

Atzo arratsaldeko 17:45 aldera eman zuten sutearen berri bizilagun batzuek. Suhiltzaileak bertaratu, eta 00:30ak aldera sutea kontrolatzea lortu zuten.

Hala ere, 02:00ak arte bertan aritu dira lanean, sutea erabat itzaltzeko eta inongo fokurik berriro pizten ez zela ziurtatzeko.

Zorionez, ez da inor zauritu eta suak ez du inor bizi den gunerik harrapatu.

Hau zure interesekoa bada, baliteke beste gai hauek ere izatea
Bilbo Bizkaia Suteak Gizartea Eguneko albisteak Albisteak Suhiltzaileak Enkartazioak