Gizartea -
Zortzi hilabeteko kartzelatzea
Andoaingo emakume bat kondenatu dute mozkortuta senarra jotzeagatik
Sententziaren arabera, zortzi hilabeteko kartzela zigorra ezarri diote emakumeari, mozkortuta zegoela 2009an senarra jotzeagatik. Gainera, bi urtetan ezingo du senarrarengana hurbildu.
Erredakzioa
Emakume bati zortzi hilabeteko kartzela zigorra ezarri diote Andoaingo (Gipuzkoa) etxebizitza familiarrean alkoholaren eraginpean zegoela gizona jotzeagatik.
Kasuaren sententziaren arabera, gertaera 2009ko abenduaren 22an gauerdi aldera izan zen. Inputatua edaten aritu ostean "oso oldarkor" jarri zen; senarra jotzen hasi zen; honek emaztea "etxebizitzatik atera behar izan zuen eta poliziari laguntza eskatu".
Erasoaren ondorioz, orain dibortziatuta dagoen gizonak kolpeak jaso zituen okzipitalean eta kokotsean.
Testuaren arabera, erasotzaileak genero indarkeria delitu bat egin zuen alkoholaren dependentziapean egin zuela. Kondenaren arabera, datozen bi urtetan ezingo du senarrarengana hurbildu edota berarekin harremanetan jarri eta ehun euroko isuna ordaindu beharko du.