Gizartea -
ISTRIPUA
Autobus batek tranbiarekin talka egin du Gasteizen
Ezbeharra 13:30 ingurua gertatu da. Ez da inor zauritu, baina zerbitzua ordubete baino gehiagoz etenda egon da.
AGENTZIAK | ERREDAKZIOA
Autobus batek tranbiaren kontra jo du Gasteizen, eta bagoi bat erreitik atera da kolpearen ondorioz.
Istripua Abetxukoko adarretik pasatzen zenean gertatu da, Arriaga eta Artapadura geltokien artean, 13:30 aldera. Antza, autobusak semaforo bat gorriz igaro du.
Euskotreneko iturriek adierazi dutenez, ez da zauriturik egon istripuan.
Geltoki intermodalaren eta Abetxukoren arteko tranbiaren ohiko zerbitzua bertan behera geratu da 14:45ak arte, garabi batek tranbia errailetan berriz jarri duen arte, hain zuzen ere.
Hau zure interesekoa bada, baliteke beste gai hauek ere izatea