Itxi

2020/03/20

11:36

Gizartea

Koronabirusa

Autismoa duten pertsonak kalera atera daitezke, betiere laguntzaile batekin

Agentziak | Erredakzioa

Hain zuzen ere, beharrezkotzat jotzen diren joan-etorri guztiak egin ahal izango dituzte, betiere koronabirusa hedatzea saihesteko beharrezko neurriak errespetatzen badira.

  • Mutiko bat emakume batekin Gasteizen, erosketak egiten.

    Mutiko bat emakume batekin Gasteizen, erosketak egiten. Argazkia: EFE

  • Whatsapp
  • Whatsapp
  • Telegram
  • Bidali

COVID-19 gaitzak eragindako osasun-krisia kudeatzeko asmoz indarrean dagoen alarma-egoerari buruzko Errege Dekretuaren jarraibide berria argitaratu du bart Estatuko Aldizkari Ofizialak (EAO). Horren arabera, autismoaren espektroko nahasmena edota jokabide disruptiboak dituzten pertsonak kalera atera daitezke, laguntzaile batekin bada ere.

Zehazki, alarma-egoera ezartzearen ondoriozko konfinamenduak haien egoeran kalte egiten duenean, beharrezkoak diren joan-etorri guztiak egin ahal izango dituzte, betiere koronabirusa hedatzea saihesteko beharrezko neurriak errespetatzen badira. Hala jasotzen du Salvador Illa Osasun ministroak sinatutako testuak.

Izan ere, aste honetan bertan, autismoa zein beste edozein jokabide disruptibo duten pazienteak salbuespen gisa kalera irteten uzteko eskatu zion Espainiako Autismo Konfederazioak Espainiako Gobernuari. Ildo horretatik, kalera ateratzeko debekuak haien eguneroko bizitzan ondorioak izan ditzakeela ohartarazi zuen, "hain muturreko" aldaketa horrek euren osasunean eragin baitezake, hala nola estutasuna eta estresa areagotuz. Gainera, muturreko egoeretan, bakarrik bizi diren edo inguruan senide gutxi dituzten pazienteen kasuan esaterako, euren osotasun fisikoa arriskuan jartzeko arriskua dagoela nabarmendu zuen.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
  • Bisitatuena

      Kargatzen ikusiena
      Kargatzen ikusiena
    ;