EAEko txinatarren elkarteak osasun-materiala eman dio Gurutzetari

EAEko txinatarren elkarteak osasun-materiala eman dio Gurutzetako Ospitaleari

EAEn bizi diren txinatarren elkarteak animo hitzak ere bidali dizkie sektoreko profesionalei.

Material sanitario de protección

Material sanitario de protección. Imagen: @GurutzetakoOsp

AGENTZIAK| ERREDAKZIOA

publikatuta: 2020/03/20 12:00 (UTC+1)

azken eguneratzea: 2020/03/27 15:03 (UTC+1)

EAEko txinatarren elkarteak babeseko osasun-materiala eman du Gurutzetako Ospitaleko profesionalentzako.

Barakaldoko ospitalea eta ezkerraldeko zentroak biltzen dituen Ezkerraldea-Enkarterri-Gurutzeta ESIak jakinarazi duenez, txinatarren elkarteak animo hitzak ere bidali dizkie osasun-sektoreko profesionalei.

"Espainiako Txinako Komunitateak eskerrak eman nahi dizkio osasun arloko komunitate osoari egiten ari diren ahalegin eta sakrifizioagatik. Horregatik, osasun-material hau oparitu nahi diegu mediku eta erizainei, borroka horri aurre egiteko babes egokia eta nahikoa izan dezaten. Elkarrekin gaindituko dugu, animo", idatzi dute material guztiarekin batera bidalitako gutunean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

EAEko txinatarren elkarteak osasun-materiala eman dio Gurutzetako Ospitaleari

Esteka kopiatuta