Itxi

2020/03/29

19:55

Gizartea

Koronabuloak

Ez dituzte zure telefono deiak grabatuko, ezta WhatsApp eta Facebookeko kontuetakoak

EiTB

Larrialdi egoera baliatuta, telefono bidezko elkarrizketak eta sare sozialetan argitaratutako mezuak monitorizatuko direla zabaldu da, baina bulo bat da, Polizia Nazionalak jakinarazi duenez.

  • Polizia Nazioanalak buloen aurka duen kanpainaren irudia. Argazkia: @policia

    Polizia Nazioanalak buloen aurka duen kanpainaren irudia. Argazkia: @policia

  • Whatsapp
  • Whatsapp
  • Telegram
  • Bidali

"Bihartik aurrera komunikaziorako neurri berriak ezarriko dira" dioen mezua zabaldu da azken egunotan WhatsApp bidez. Neurri berri horien eraginez zure telefono deiak grabatu eta sare sozialetan jartzen edo zabaltzen duzuna monitorizatu egingo dutela ere gaineratzen du.

Erabiltzaile asko gurekin kontaktuan jarri dira 600 900 454 zenbakian, EiTBk koronabuloak gelditzeko eta hauen presentzia antzemateko duen WhatsApp zenbakian, 'Maldito Bulo' eta VOSTEuskadi Boluntario Digitalen Elkarteraren koloborazioarekin, mezuaren lehen esaldien berri emateko:

"Bihartik aurrera, komunikaziorako neurri berriak.

Dei guztiak grabatuak izango dira.

Dei telefoniko guztien erregistroak erregistratuko dira.

WhatsApp bidezko mezu eta dei guztiak grabatu egingo dira.

Twiterren monitorizazioa.

Facebooken monitorizazioa.

Sare sozial eta foro guztien monitorizazioa".

Bada, esan dezakegu mezu hau faltsua dela, bulo bat dela, hala adierazi baitu Polizia Nazionalak bere Twiterreko kontu ofizialean:

Zentzu honetan, Polizia Nazionalak aholkatu du, mota honetako mezuak ez zabaltzea, eta ofizialak diren iturriez soilik fidatzea.

Kontuan izan osasun-agintariek koronabirusaren aurka emandako aholkuak. Koronabirusaren inguruko albiste faltsuen aurrean, egin kasu bakarrik iturri ofizialek ematen dituzten albisteei. Eta zurrumurru, gezur edo albiste faltsu baten susmorik baduzu, idatzi koronabuloak@eitb.eus helbide elektronikora edo bidali WhatsApp bidez mezu bat 600 900 454 telefono zenbakira. Ez diogu inori zuzenean erantzungo, baina oharrak jaso, aztertu, eta faltsuak direla egiaztatuz gero, Koronabuloak webean aireratuko ditugu.
  • Bisitatuena

      Kargatzen ikusiena
      Kargatzen ikusiena
    ;