Itxi

Gizartea

KORONABIRUSA

Espainiako Gobernuak "ziurrenik" maskarak gomendatuko dizkie herritarrei

AGNTZIAK | ERREDAKZIOA

"Ezer baieztatu ezin dudan arren, hau da gomendatuko ditugun neurrietako bat", adierazi du Salvador Illa Osasun ministroak.

  • Jendea maskarekin

    Jendea maskarekin. ETBko bideo batetik hartutako irudia.

Espainiako Gobernua herritarrei maskarak erabiltzea gomendatzeko aukera aztertzen ari dela onartu du Salvador Illa Osasun ministroak, baina oraindik ezin duela baieztatu neurri hori hartuko den ala ez.

Prentsaurreko telematiko batean, berak eta Pedro Sanchez Gobernuko presidenteak Hersill osasun-materialaren fabrikara egindako bisitan zergatik zeramatzaten maskarak galdetu diote.

"Presidenteak eta nik ezarritako protokoloa bete dugu, baina, ezer baieztatu ezin dudan arren, hau da gomendatuko ditugun neurrietako bat", baieztatu du Osasun ministroak, Arancha Gonzalez Laya Kanpo Arazoetako, Europar Batasuneko eta Koordinazioko ministroa alboan zuelarik.

Fernando Simon Osasun Alertak eta Larrialdiak Koordinatzeko Zentroko zuzendariak, hain zuzen ere, japoniar gizarteetatik "ikasteko" aukera iradoki du. Izan ere, gripe agerraldien aurrean, gaixoei maskara erabiltzeko eta "babes pertsonaleko ekipoak" erabiltzeko ohitura hartzeko eskatzen die, "kopuru handietan eskuragarri dauden neurrian".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
  • Bisitatuena

      Kargatzen ikusiena
      Kargatzen ikusiena