Gizartea -
Donostian
14 urteko neska bat ito da Kontxan
Donostiako neskaren gorpua udako plataforma baten inguruan aurkitu dute, urpean. Adingabea hondartzan zegoen lagunekin.
Erredakzioa
14 urteko Donostiako neska baten gorpua aurkitu dute Kontxako Badian, itota. Gurutzeko Gorriko urpekariek eta Ertzaintzako helikoptero batek atera dute Easo kaleko auzotarraren gorpua.
Atzo arratsaldean lagun talde batekin zegoen neska hondartzan udako plataformaraino igeri egitea erabaki zutenean.
Une horretan plataforma jendez gainezka zegoen eta hondartzara bueltatzea erabaki zuten. Kostaldera heltzean neska ez zegoela konturatu ziren eta hondartzan zegoen gurasoetako bati esan zioten.
Gorpua 21:00 aldera aurkitu dute sei metroko sakoneran. Osasun zerbitzuak neska suspertzen saiatu dira, baina ezin izan dute ezer egin, eta gorpua Donostiako Auzitegiko Institutu Anatomikora eraman dute.