Gizartea -
Emakumeen kontrako indarkeria
Gizon bat atxilotu dute Arrasaten bikotekide ohia jo duelakoan
Ustezko erasotzaileak beisboleko bate batekin jo zuen emakumea. Etxean zeuden hainbat pertsonaren aurrean egin zuen erasoa.
Erredakzioa
45 urteko gizon bat atxilotu dute Arrasaten (Gipuzkoan) ustez beisboleko bate bat eskuan hartuta bikotekide ohiari eraso egin diolakoan.
Antza, denez, ustezko erasotzaileak etxean zeuden beste hainbaten aurrean jo zuen emakumea, eta horiek lortu zuten erasoa geldiaraztea.
Herrizaingo Sailak adierazi duenez, gertakaria igande arratsaldean jazo zen, San Juan auzoko etxebizitza batean. Antza, Ertzaintzak emakume bat erasoa pairatzen ari zela ohartaraziz deia jaso zuen. Ustezko erasotzaileak, beisboleko bate bat zeramala adierazi zioten eta portaleko txirrinetik mehatxuka ari zitzaiola.
Ertzaintzak minutu batzu beranduago atxilotu zuen inguruan, emakumeen kontrako indarkeria delitua egotzita. Biktima, berriz, Arrasateko ospitalera eraman zuten jasandako kolpeak zirela eta.
