Adingabe bat atxilotuta, 2 urteko haurra motorrarekin harrapatzeagatik

14 urteko adingabe bat atxilotu dute Malagan gidabaimenik gabe ziklomotor bat gidatzen zebilela, bi urteko haur bat harrapatzeagatik. Gainera, ziklomotorrean zeraman 15 urteko neskato bat lurrera bota zuen, haurra laguntzera ibilgailua gelditzeko eskatu zionean.

Malagako Udaltzaingoak agiri baten bidez jakitera eman duenez, gertakaria abuztuaren 2an jazo zen, 23:25ak inguru, Malagako etorbide batean. Errepidean zegoen auto bat gainditzeko, kontrako noranzkoan doan erreian sartu zen ziklomotorra eta aitarekin eta hiru anai-arrebekin zihoan 2 urteko haurra harrapatu zue 14 urteko gidarik.

Umea kolpatzean, motorzaleak ez zuen ibilgailua gelditu, berarekin zihoan 15 urteko neskatoak hala eskatu zion arren. Ondoren, motorratik lurrera bota zuen neskatoa. Erorketaren ondorioz, belaunean eta oinean zauriak jaso zituen.

Abiadura handiz bertatik ihes egin ostean, 14 urteko adingabeak jabeari itzuli zion motorra. Behin semearen parte-hartzea ezagututa, amak Poliziarengana jo zuen eta biei deklarazioa hartu ostean, adingabea atxilotu zuten.

Motorrarekin harrapatutako umea Malagako Haurrentzako Ospitalera eraman zuten eta gau oso bat bertan ospitaleratuta eman ostean, alta eman zioten.