Gizartea -
Sutea
Sute batek etxebizitza bat suntsitu du Ardaitzen
Antza denez, etxebizitzako teilaturaino zabaldu da sua, eta eraikin osoari eragin dio; bi pertsona zeuden barruan, baina ez die kalterik eragin.
Agentziak | Erredakzioa
Sute batek Ardaitz (Erroibar) herriko etxebizitza bat suntsitu du bart, baina ez du zauriturik eragin, Nafarroako Suhiltzaile Zerbitzuak Twitter bidez jakinarazi duenez.
Sua atzo piztu zen, eta Auritz zein Cordovilla parkeetako suhiltzaileak bertaratu ziren itzaltzera, beste etxebizitza batzuetara zabal ez zedin.
Suhiltzaileen azken taldea gaur goizean joan da bertatik, 06:49an, gertatutakoa argitzeko izapideak bere gain hartu dituen Guardia Zibilaren arabera.
Antza denez, sua etxebizitzako teilaturaino zabaldu da, eta bi pertsona zeuden barruan, baina ez die kalterik eragin.