Gizartea -

kORONABIRUSA

Jaurlaritzak 20.000 test egin nahi ditu milioi bat biztanleko apirilean bertan

Erkorekak azaldu duenez, lanean ari dira "normaltasun berrirako" trantsizioa prestatzeko, eta "deseskalatze faseak" aztertzen ari dira sail guztietan.

Koronabirus proba Herbehereetan. Argazkia: Efe
Koronabirus proba Herbehereetan. Argazkia: Efe
Koronabirus proba Herbehereetan. Argazkia: Efe

agentziak | erredakzioa

Whatsapp Facebook Twitter Telegram Email

Josu Erkoreka Eusko Jaurlaritzaren bozeramaileak esan du koronabirusaren diagnosi probak ugaritzen jarraitzen dutela, eta hilabete honetan bertan milioi bat biztanleko 20.000 proba egitera iristea espero dutela.

Eusko Jaurlaritzaren gobernu bileraren ostean emandako prentsaurrekoan azaldu duenez, lanean ari dira "normaltasun berrirako" trantsizioa prestatzeko, eta "deseskalatze faseak" aztertzen ari dira sail guztietan.

Helburua ohitura sozialen deseskalatzea "mailakatua eta berme guztiekin" egitea da, baina hilabeteetan urruntze sozialari eutsiz, maskarak erabiliz, eta higiene neurriekin.

Hori guztia, Erkorekaren esanetan, osasun egoeraren eta osasun publikoko agintarien jarraibideen baldintzapean. Horren harira, osasun egoerari dagokionez, oinarrizko kolektiboei egiten ari zaizkien proba kopurua "egunero" handitzen ari direla azpimarratu du, eta horrek "kasu positiboen eta kutsatzeen mapa erreala" edukitzea ahalbidetzen duela.

Erkorekak adierazi du Jaurlaritzaren helburua milioi bat biztanleko 20.000 proba egitea dela, eta mapa horrekin "denbora errealean" kontrolatu ahal izango dela herrien eta eskualdeen egoera, "kasuen beherakadak denboran irautea"rekin batera.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea
Bizkaia Gipuzkoa Araba Eusko Jaurlaritza Euskal Autonomia Erkidegoa Gaixotasunak Gizartea Eguneko albisteak Albisteak Osasun albisteak Koronabirusa