Tenperaturek gora egingo dute zubi honetan, helduen lehen irteerekin bat eginez

Ostiralean, maiatzaren 1ean, Langileen Nazioarteko Egunean, euria egiteko arriskua egongo da eta tenperaturek gora egingo dute. Termometroak 20-23 ºC-koak izango dira lurralde osoan, goizean hego-mendebaldeko haize zakarra joko du.

Eguerditik aurrera haizeak mendebaldetik eta ipar-mendebaldetik joko du. Zeruan hodei dezente izango dira tarteka, eta euri-jasak izan daitezte, ipar-ekialdean egunaren zati handi batean, eta barnealdean arratsalde-gau partean.

Euskal Autonomia Erkidegoko hiriburuetako tenperaturei dagokienez, maximoak 22 ºC-koak eta minimoak 15 ºC-koak izango dira Bilbon. Donostian, termometroek 21 ºC-ko tenperatura maximoa eta 14 ºC-ko minimoa iragarriko dute. Arabako hiriburuan, tenperatura maximoak 22 ºC-koak izango dira eta minimoak 12 ºC-koak. Iruñean, ordea, tenperatura maximoak 23 ºC-koak izango dira eta minimoak 10 ºC-koak.

Larunbatean, 51 eguneko konfinamenduaren ostean helduentzako irteera-baimenarekin bat eginez, eguraldia ez da asko aldatuko. Hodeiak aldakorrak izango dira eta tenperaturak ostiralekoak bezalakoak izango dira, hasieran mendebalde-hego-mendebaldeko haizea joko du eta arratsaldean iparraldekoa. Eguerdian zein arratsaldean, prezipitazioak egon daitezke, eta hodeiak ugariagoak izango dira. Tenperaturei dagokienez, ez dute aldaketa handirik jasango.