Gizartea -

KORONABIRUSA

15 hildako eta 45 positibo berri EAEn, hildako bat eta 13 positibo Nafarroan

Estatu Espainiarrean 143ra jaitsi dira hildakoak, matxoaren 18tik izan den daturik baxuenera, eta 621 positibo kasu berri atzeman dituzte.

Mediku bat gaixo bati eskua heltzen.. Argazkia: EFE
Mediku bat gaixo bati eskua heltzen.
15 pertsona hil dira koronabirusarekin azken orduetan EAEn

1:38

AGENTZIAK | ERREDAKZIOA

Whatsapp Facebook Twitter Telegram Email

15 pertsona hil  dira koronabirusarekin azken orduetan Euskal Autonomia Erkidegoan. Guztira, 1.418 dira osasun krisia hasi zenetik hildakoak.

Espainiako Osasun Ministerioak jakitera eman duenez, 45 positibo berri atzeman dituzten PCR probetan (infekzioa aktibo dagoela baieztatzen duen proba). Guztira, 13.156 kasu atzeman dituzte proba horiekin.

Eusko Jaurlaritzak eman dituen datuen arabera, lurraldeka, 8 positibo izan dira Araban, 33 Bizkaian eta 4 Gipuzkoan.

"Test azkarraren" bidez antzemandako kasu berriak, berriz, 150 izan dira. Proba horrek hartutako immunitatea edo pertsona batek sortutako antigorputzak neurtzen ditu, eta iraganeko infekzio bat adieraz dezake.

Test guztien emaitzak batuta, COVID-19 kasu baieztatuen kopurua 17.677 da Euskadin, eta horietatik %82,9 sendatuta edo alta emanda daude.

Une honetan 435 pertsona daude ospitaleratuta (atzo baino 58 gutxiago), horietatik 361 solairuko geletan eta 74 ZIUn.

Nafarroan 13 kutsatu gehiago atzeman dituzte azken 24 orduetan PCR proben bidez (% 0,3 gehiago aurreko egunarekin alderatuta), eta pertsona bat hil da koronabirusarekin. Bi pertsona ospitaleratu behar izan zituzten eta 90ek alta jaso zuten.

Pandemia hasi zenetik 5.052 kasu baieztatu dituzte PCR proben bidez eta eta beste 2.410 kasu antigorputzen test bidez (7 positibo atzoko egunean). Hala, guztira 7.462 kasu izan dira Nafarroan

Bestalde, azken orduetako heriotzarekin, 488 pertsona dira jada hildakoak (kutsatuen % 6,5). Horietatik,% 68,4 (334 pertsona) ospitaleetan hil dira dira, eta % 31,6 (154 pertsona) ospitaleetatik kanpo.

Hildakoen adin-tartea 26 eta 107 urte bitartekoa da, 83 urte da batezbestekoa.

Pandemia hasi zenetik 3.014 pertsona sendatu dira (kutsatuen % 40,4). Une honetan, kasu aktiboak (sendatu ez direnak eta hil ez direnak) 3.960 dira (aurreko egunean baino% 1,93 gutxiago).

Diagnostikatutako 7.462 pertsonetatik,% 51,2 (3.822 pertsona) etxean egon dira, % 1,3 (96) ospitalean,% 0,2 (13) etxeko ospitalizazioan eta % 0,4 (29) zainketa intentsiboetan.

Nafarroako Osasun Sistemako (publikoa eta pribatua) profesionalei dagokienez, 17 kasu berri diagnostikatu zituzten atzo. Orain arte, pandemia hasi zenetik 850 profesional kutsatu dira, 15.000 pertsonako kolektiboaren % 5,67 gutxi gorabehera.

Oharra: PCR testak eta test azkarrak batu dira grafikoan

143 hildako Estatuan, martxoaren 18tik izandako kopururik baxuena

143 pertsona hil dira azken 24 orduetan Espainian, martxoaren 18tik izandako kopururik baxuena, hain zuzen ere. Orotara, 26.621 pertsona hil dira pandemia hasi zenetik.

PCR testen bidez, berriz, 621 kasu berri atzeman dituzte, 224.390 guztira. Kopuru hori ez da behin betikoa, Madrilek ez baitu bere kutsatu berrien daturik eman oraindik, Osasun Ministerioak jakinarazi duenez.

Hamar erkidegotan (Andaluzia, Aragoi, Balear Uharteak, Kanariak, Kantabria, Gaztela eta Leon, Extremadura, Murtzia, Nafarroa eta Errioxa) eta Ceuta eta Melilla hiri autonomoetan ez dute inor ingresatu ZIUetan.

Azken 24 orduetan, gainera, Kanarietan, Kantabrian, Ceutan eta Melillan ez da inor hil koronabirusarekin; eta Aragoin, Galizian, Murtzian eta Nafarroan pertsona bana.

Madril (46 hildako), Katalunia (25) eta Gaztela-Mantxa (21) izan dira hildako gehien izan dituzten erkidegoak.

PCR bidez baieztatutako kasu berriei dagokienez, Madrilgo erkidegoaren datuen faltan, Kataluniak 151 kasu erregistratu ditu, ondoren Gaztela eta Leonek 110 eta Gaztela-Mantxak 65.

Espainia da, oraindik ere, kutsatze gehien izan dituen Europako herrialdea, eta heriotza gehien izan dituen munduko laugarrena, AEBen, Erresuma Batuaren eta Italiaren atzetik.

143 pertsona hil dira azken 24 orduetan Espainiar estatuan
143 pertsona hil dira azken 24 orduetan Espainiar estatuan
143 pertsona hil dira azken 24 orduetan Espainiar estatuan

1:25

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.

Hau zure interesekoa bada, baliteke beste gai hauek ere izatea
Krisi ekonomikoa Osakidetza Bizkaia Gipuzkoa Nafarroa Araba Eusko Jaurlaritza Espainia Gaixotasunak Gizartea Eguneko albisteak Albisteak Nafarroako Gobernua Osasun albisteak Nafarroako Ospitale Gunea Koronabirusa