Konpartsen ustez, Bilboko jai-eredua 'erasoak' pairatzen ari da

Bilboko Konpartsak taldeak, gaur, Bilboko jai-eredua pairatzen ari den erasoak nabarmendu nahi izan ditu; ildo horri jarraituta, konpartsek esan dute "parte-hartzea mugatzen dutela, adierazteko eskubidea murrizten dutela eta zigorrak biderkatzen dituztela". Konpartsek txosnak itxiko dituzte asteazkenean, abuztuaren 24an, Aste Nagusia 2011n, eta zenbait ekitaldi egingo dituzte, egun horretan, Bilboko Udalak, euren iritziz, ezartzen dituen debekuen aurkakoak. Horien artean, 2009an ETAren presoen argazkiak erakutsi zituzten bi konpartsaren txosnak berriro ez kokatzea legote. 2010ean, Aste Nagusiko asteazkenean ere, Bilboko konpartsek itxita izan zituzten txosnak.

Bilboko Konpartsak taldeko ordezkari batzuek adierazi dutenez, asteazkenean burutuko duten ekitaldietako batean bi solairuko autobus bat arrastaka eramango dute; horrekin, Udalaren jarrera "mugitu" nahi dutela adieraziko dute. Gainera, konpartsen harrotasuna erakusteko desfile bat egingo dute, beltzez jantzita, eta "lotsaren pasillo" bat ere osatuko dute, Udalak, azken urteetan, euren iritziz, ezarritako debekuak agerian uzteko.

Aste Nagusia herenegun hasi zen, larunbatean, eta datorren igandera arte iranduko du.