Gizartea -
Genero indarkeria
Gazte bat atxilotu dute Abadiñon, bikotekideri eta ertzainei eraso egitea leporatuta
Gertaera larunbat goizaldeko lauretan aldera izan da.
Agentziak | Erredakzioa
Abadiñon 23 urteko gazte bat atxilotu dute bikotekideari eta bera identifikatzen ari ziren Ertzaintzako agenteei eraso egitea leporatuta.
Segurtasun saileko bozeramaile batek aditzera emandakoaren arabera, gertaera larunbat goizaldeko laurak aldera izan da.
Emakumeak erasoaren berri eman ostean, Ertzaintzako agenteak gertaeraren lekura joan dira eta, gizonezkoa identifikatzen ari zirela, susmagarriak eraso egin die.
Ondorioz, gizonezkoa atxilotu egin dute genero indarkeria eta agenteen aurkako atentatua leporatuta.
-------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
