Gizartea -
Bizkaia
Bi ertzain arin zauritu dira Ermuan, jazarpen batean
Ertzainek ibilgailu bat abiadura handian harrapatu dute, bidea ixten saiatu dira eta jazarpena hasi da N-634 errepide zaharrean. Atxilotua gidabaimenik gabe gidatzen ari zen.
Agentziak | Erredakzioa
Bi ertzain arin zauritu dira arratsaldean, Ermuan, jazarpen batean ibilgailu batek jotzera egin ostean. Atxilotua gidabaimeneko puntu guztiak galduta gidatzen ari zen.
Gertakariak 14:10 aldera jazo dira. Antza denez, ertzainek ibilgailu bat abiadura handian harrapatu dute, bidea ixten saiatu dira eta jazarpena hasi da N-634 errepide zaharrean, orain BI-3334.
Jazarpenean, gidariak jotzera egin die, eta bi ertzainak Mendaroko ospitalera eraman behar izan dituzte, arin zaurituta.
29 urteko gidaria aurrekariak ditu. Gainera, gidabaimenik gabe gidatzen ari zen, puntu guztiak 2019an galdu zituelako.