Gizartea -
Ezbeharra
Gizonezko bat hil da Araban, ibilgailua zubi batetik behera erorita
Ibilgailua Subillako ibai lehor batera jausi da. Gizonezkoarekin zihoan laguna Txagorritxuko Ospitalera eraman dute.
Erredakzioa
Gizonezko bat hil da larunbat honetan Subillan (Araba), gidatzen zuen ibilgailua ibai lehor batera erorita. Ertzaintzak jakinarazi duenez, berarekin zihoan emaztea Gasteizko Txagorritxu Ospitalera eraman dute.
Istripua larunbat honetako 11:00ak pasata jazo da, Subillatik Morillaserako bidean, zubi bat zeharkatzean, Mitsubishi ibilgailua ibaira erori denean. Suhiltzaileak bertara hurbildu dira eta 11:45ean bikotea askatzea lortu dute. Hildakoa beilatokira eraman dute eta emaztea, Txagorritxu Ospitalera.
Hau zure interesekoa bada, baliteke beste gai hauek ere izatea