Gizartea -

Bizkaia

Bilboko Udalak bertan behera utzi ditu San Joan gaueko suak

Osasun arloko neurriak betetzeko utziko dira bertan behera suak, ezin baita jende kontzentraziorik egin distantzia fisiko egokiak errespetatu ezin direnean.

San Joan gaueko sua. Irudia: Bilboko Udala
San Joan gaueko sua
San Joan gaueko sua. Irudia: Bilboko Udala

EITB.EUS

Whatsapp Facebook Twitter Telegram Email

Bilboko Udalak bertan behera utzi ditu San Joan gaueko suak, COVID-19aren krisiak eragindako osasun-murrizketengatik. Izan ere, ezin da jende kontzentraziorik egin pertsonen arteko ezinbesteko distantzia fisikoa gorde ezin denean.

Tradizionalki ekainaren 23ko gauean (urteko gaurik laburrena) pizten diren suak hiriko barruti gehienetan egiten dira. Iaz, esaterako, Udalak hamabost su pizteko baimena eman zuen, leku hauetan: Deustu, Erribera, Ibarrekolanda, Matiko, Zurbaran, Etxebarria parkea, Santutxu, Otxarkoaga, Abusu, San Adrian, Irala, Olabeaga, Zorrotza, Masustegi eta Iturrigorri-Peñascal.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.

Hau zure interesekoa bada, baliteke beste gai hauek ere izatea
Bilboko Udala Bilbo Herriak eta Hiriak Bizkaia Gaixotasunak Gizartea Eguneko albisteak Albisteak Jaiak Osasun albisteak San Joan suak Koronabirusa