Gizartea -
Koronabirusa
COVID-19a izan zutela baieztatu diete garai gogorreneko kasu susmagarrien herenari
Koronabirus sintomak izan zituzten, baina probarik egin ez zieten 959 pertsona dira.
agentziak | erredakzioa
Gaixotasunaren garai gogorrenean probarik egin gabe koronabirusa diagnostikatu zietenen % 30ek COVID-19a izan zutela baieztatu dute. 3.240 pertsonari egin diete proba serologikoa, eta horietako 959k positibo eman dute, hau da, birusa izan zutela baieztatu dute.
Nekane Murga Osasun sailburuak Osakidetzaren seroprebalentzia ikerketaren lehenengo fasearen emaitzak eman ditu. Otsailaren 28tik apirilaren 15era gaixo egon ziren 4.147 pertsonari egin diete proba ikerketa horretarako.
Horien guztien artean, 907 kanpoan geratu dira, 584 PCRa egin eta negatibo eman dutelako, eta beste 324, harremanetan jartzeko arazoak izan direlako edo proba beste bide batzuetatik egin dutelako.
Azkenen, baheketa 3.240 herritarri egin diete, eta % 30ek eman dute positibo; hain zuzen ere, 959ek izan dute gaixotasuna eta sortu dituzte antigorputzak.
