Bi autok kalteak izan dituzte Getxon, hiru edukiontzi erreta

Bi autok kalteak izan dituzte ostiral goizaldean Getxon (Bizkaia), hiru edukiontzi erreta, Eusko Jaurlaritzako Segurtasun Sailak eitb.eus-i jakinarazi dionez.

Sua 03:30 aldera piztu da, eta Elkano kaleko hiru edukiontzi erre dira, oraindik argitu gabe dauden arrazoiak direla eta.

Suak, edukiontzien ondoan aparkatuta zeuden bi autotan eragin ditu kalteak, Segurtasun Sailak azaldu duenez.

Bizkaiko suhiltzaileak bertaratu dira, eta garrak itzali dituzte.