Trafiko istripuan hil zirenen % 23k ez zuten segurtasun-uhala erabili

Estatuko errepideetan 2011ko lehen zortzi hilabeteetan trafiko istripuan hil ziren pertsonen % 23k ez zuten segurtasun-uhala erabiltzen. Hiriguneetan izandako istripuen kasuan, % 35ek ez zuten segurtasun-uhala jarri, Trafiko Zuzendaritzak aurkeztutako datuen arabera.

Orotara 576 pertsona hil dira trafiko istripuetan urteko lehen zortzi hilabeteetan. Horietatik 146k (% 21,9) ez zuten segurtasun-uhala erabili. Furgonetan izandako istripuen kasuan % 34,5k ez zuten segurtasun-uhala erabili.

Trafiko Zuzendaritza Orokorrak azaldu duenez, hildakoen artean 12 urtetik beherako 39 ume daude (horietatik 14k ez zuten segurtasun-uhala erabiltzen istripua izandako unean). Egoerari buelta emateko helburuarekin, Trafiko Zuzendaritzak kanpaina berezia jarri du martxan, segurtasun-uhalaren erabilera sustatzeko.

Aste honetan zehar, Guardia Zibilak kontrol gehiago egingo ditu, gidariek eta bidaiariek gerrikoa daramatela ziurtatzeko. Neurri hau ez betetzeak 200 euroko isuna ekar dezake.