Gizartea -
Bilbo
49 kilo marihuana aurkitu dituzte ibilgailu batean ezkutatuta, Bilbon
Hainbat marihuana fardo aurkitu zituzten poliziek arropa eta zapi artean ezkutatuta; dirudienez, moztu berria zen.
Erredakzioa
Bilboko Udaltzaingoak agiri batean jakinarazi duenez, hiru gizon atxilotu ditu asteburuan, ibilgailu batean 49 kilo marihuana eramatea leporatuta.
Atxiloketa larunbatean egin zuten Bilboko Donibane plazan, 04:30 inguruan. Udaltzain talde batek auto bat geratu zuen, zirkulazioko arau-hauste bat egiteagatik, eta marihuana usaina nabaritu zuten.
Horrenbestez, udaltzainek autoa arakatu zuten eta hainbat marihuana fardo aurkitu zituzten, arropa eta zapi artean ezkutatuta. Antza denez, marihuana moztu berria zen.
Autoan zihoazen hiru gizonak atxilotu egin zituzten: J.E., 26 urtekoa; M.H., 29 urtekoa; eta T.L., 24 urtekoa. Fardoek 49 kiloko pisua zuten.