Gizartea -
ADINEKOEN EGOITZAK
11 langile kutsatu dira COVID-19arekin Bizkaiko adinekoen egoitzetan
Bizkaiko adinekoen egoitzen langileen artean hamaika dira baieztatutako kasuak, aurreko kontaketan baino bat gutxiago, eta, prebentzio modura, 48 langilek isolatuta jarraitzen dute.
AGENTZIAK | ERREDAKZIOA
Bizkaian mendekotasuna duten adineko pertsonentzako egoitza-zentroetan 11 langile kutsatu dira COVID-19arekin, eta 48 langilek isolatuta jarraitzen dute, kutsatuta dauden ala ez jakin gabe oraindik.
Bizkaiko Foru Aldundiak azaldu duenez, asteazkenera arte Bizkaiko adineko pertsonentzako 155 egoitzetan, ez dago COVID-19arekin kutsaturik, ezta egoiliarrik ospitaleratuta ere. Bere aldetik, gaixotasuna gainditu duten egoiliarrak 1.617 dira, duela bi egun emandako datu bera.
Birjinetxen, berriz, sei pertsona daude koronabirusarekin gaixo, aurreko kontaketan bezainbeste; horietako hiru egoitzetako erabiltzaileak dira, eta beste hiru isolatuta dituzte, ospitaleratuta egon ostean.
