Gizartea -
Gertakaria
Emakume bat larri zauritu da kamioi batek harrapatuta, Iruñean
Volkswagenen Landabengo fabrikatik gertu harrapatu du kamioiak 79 urteko emakumea.
Erredakzioa
79 urteko emakume bat larri zauritu da kamioi batek harrapatuta, Volkswagenen Landabengo fabrikaren ondoan, Nafarroako Gobernuak jakitera eman duenez.
10:13 aldera izan da ezbeharra eta emakumeak kolpe handia jaso du buruan. Horren ondorioz, konortea galdu du, baina bere kordean eraman dute Nafarroako Ospitalera anbulantzia medikalizatu batean.
Foruzaingoak bideratu du zirkulazioa istripua gertatu ondoren eta argiketa taldeek hartu dute bere gain gertatutakoa ikertzeko ardura.