Gizartea -

Indarkeria matxista

Gizon batek emakume bat hil du Madrilen

Gertakaria indarkeria matxista kasu bat bezala ikertzen ari dira. 31 urteko emakumea atzo arratsaldean hil zen, ospitalean, koman sartu ostean.

Agentziak | Erredakzioa

Whatsapp Facebook Twitter Telegram Email

Espainiako Poliziak 37 urteko gizon bat atxilotu du Torrejon de Ardozen (Madril), 31 urteko emakume bat hiltzea leporatuta. Gizonari hilketa delitua egotzi diote.

Gertakaria indarkeria matxista kasu bat bezala ikertzen ari dira. Astelehen goizaldean, hilak 13, izan zuten horren berri, ustezko hiltzaileak 112 zenbakira deitu zuenean.

Emakumeak burezurreko traumatismo larria zuen, belarritik odola zeriola, eta arnasa hartzeko zailtasunak zituen. Ondorioz, Torrejongo ospitalera eraman zuten, larri, eta han ingresatu zuten.

Biktima atzo arratsaldean hil zen, ospitalean, koman sartu ostean. Ustezko hiltzaileak ez zuen genero-indarkeriagatik aurrekaririk, ezta biktimarengandik urruntzeko agindurik ere. Agenteek ikerketa abiatu dute gertatutakoa argitzeko.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak Indarkeria matxista Delituak Espainia Salaketak Gizartea Indarkeria matxistaren biktimak Eguneko albisteak Albisteak Madril Tratu txarren biktimak Matxismoa Erailketak

Informazio gehiago