Gizartea -
A-8an
Emakume bat hil da trafiko istripuan, Errenterian
Istripua goizeko 08:00 aldera izan da A-8an, Oiartzunerako irteeran. 32 urteko emakumea autoan harrapatuta geratu da eta hil egin da.
Erredakzioa
Emakume bat hil da A-8an izan den trafiko istripuan. Ezbeharra Errenteria parean jazo da goizeko 08:00ak aldera, Bilborako norantzan, Oiartzunerako irteeran.
Antza, autoa bidetik atera da eta gidaria, 32 urteko emakumea, barruan harrapatuta geratu da. Suhiltzaileak eta anbulantzia bat ezbeharra izan den tokira bertaratu dira, baina emakumea bertan hil da.
Istripuaren ondorioz Oiartzunerako irteera itxita egon da.
Ertzaintzak istripuaren lekukoei laguntza eskatu die, ezbeharraren nondik norakoak argitzeko.
Herrizaingo Sailak jakinarazi duenez, Mini markako ibilgailu batek izan du istripua. Errepidetik atera eta irauli egin da, Ertzaintzaren arabera.
Lekukoek telefono zenbaki hauetara dei dezakete: 943 539 119 eta 943 539 125.
