Gizartea
Gipuzkoa
Zegaman desagertutako 69 urteko gizonaren gorpua aurkitu dute
AGENTZIAK | ERREDAKZIOA
08:40ak aldera aurkitu dute hilotza, Barbari auzoko mendi-zonalde batean, Zerain udalerrian.
-
Bilaketa taldearen irudietako bat. Argazkia: SOS Deiak Twitter
Ostiralaz geroztik desagertutako 69 urteko gizonezkoaren gorpua aurkitu dute bilaketa-taldeek, SOS Deiak-ek Twitter bidez jakinarazi duenez. 08:40ak aldera aurkitu dute hilotza, Barbari auzoko mendi-zonalde batean, Zerain udalerrian.
Desagerpenaren berri eman zuen lagun batek ostiralean, adostutako hitzorduan azaldu ez zela ikusita. Aratz mendia eta Zegama artean zabaldu zituzten bilaketa lanak.
Lainoagatik bilaketa-dispositiboa bertan behera utzi behar izan zuten larunbatean, baina geroago ekin zioten berriro, eta asteburu osoan izan dira lanean. Ertzaintzako, Gurutze Gorriko eta DYAko taldeek parte hartu dute.
