Gizartea -
KORONABIRUSA
Galdakaoko Muguru tabernako bezeroei PCR proba egiteko eskatu die Osasun Sailak
Uztailaren 27tik abuztuaren 4ra bitartean lokalean egon zirenek proba egitea eskatu du Osasun Sailak ohar batean.
AGENTZIAK | ERREDAKZIOA
Eusko Jaurlaritzako Osasun Saila Galdakaoko Muguru tabernan beste koronabirus foku bat dagoen ikertzen ari da. Ganekogorta kalean dago taberna hori, eta bisitariei eskatu die asteburu honetan PCR proba bat egiteko hitzordua eskatzeko.
Uztailaren 27tik abuztuaren 4ra bitartean lokalean egon zirenek proba egitea eskatu du Osasun Sailak ohar batean.
Proba horretarako hitzordua eskatzeko 94 600 74 00 telefonora deitzeko eskatu die. Osasun Sailak adierazi duenez, probak Galdakaoko anbulatorioko moduluetan egingo dituzte larunbatean eta igandean, 10:00etatik 17:00etara.
Oraingoz, hartutako neurriak "prebentziozkoak soilik" direla adierazi du Osasun Sailak, eta haien helburua "ahalik eta lasterren balizko transmisio bat detektatzea eta kutsatze berriak saihestea" dela.
