Hierroko 53 pertsona uhartetik atera dituzte lur-jausien arriskuagatik

Kanarietako Gobernuak amaitutzat eman du gaueko lehen orduetan hasitako prebentziozko ebakuazioa, Hierroko lurrikarek luiziak sortzeko arriskuaren aurrean. Azkenean 53 pertsona ebakuatu dituzte, hasiera batean 300 aurreikusi bazituzten ere.

Lunchon, Pie Risco, Los Corchos, Las Puntaseko zati bat eta Ginea ebakuatu dituzte. 53 pertsona atera dituzte guztira; horietatik 38 senideen etxera joan dira euren kabuz, eta besteak Valverdeko eskola-egoitzara eraman dituzte.

Toki horietan, luiziak jasateko aukera handia dago, fenomeno meteorologiko txarren ondorioz; euriteek eta haizeteek eraginda, esaterako.

Asteazken honetan, Fronterako ikastetxeak eta Los Roquilloseko tunela itxita egongo dira, berriro irekitzeko erabakia hartu arte.

Kanarietako Gobernuak lasaitasun mezua bidali die herritarrei, irailaren 23tik alarma maila horian egon arren, "ez delako berehalako erupziorik espero".