Murga: "Hazkundea motelagoa izaten ari da, baina ez dago joera aldaketarik"

Nekane Murgaren hitzetan, igandeko datuen arabera, positiboen kopurua "apur bat" jaitsi da. Hala ere, Eusko Jaurlaritzako Osasun sailburuak Radio Vitorian emandako azalpenen arabera, horrek ez du joera aldaketa islatzen. "Hazkundea martxoan baino motelagoa izaten ari da, baina oraindik ez gaude joera aldaketa batean", esan du.

Sailburua kezkatuta agertu da ikasturtearen hasierarekin eta lanera itzultzearekin: "Jakin behar dugu egunerokotasunera itzultzea ez dela beste urte batzuetan bezala izango, birusa presente baitago".

Murgak iragarri duenez, antigenoen test berriak balidatzeko prozesuan daude: "PCR testek ez bezala, horiek berehala ematen dute emaitza, eta horrela denbora irabazten da kutsatutako pertsona isolatzeko".

Euskadiko ospitaleen egoeraz galdetuta, "egungo datuak ezin dira martxoan emandakoekin alderatu", horren aburuz; izan ere, "birusaren hazkunde-abiadura askoz ere txikiagoa da, eta ospitaleratzeak lasaiago gertatzen dira".

Murgaren ustez, ezin da berriro konfinamendua ezarri. "Hartzen ari diren neurrien helburua gaixotasuna kontrolpean izatea da, gizartea berriro ez geldiarazteko", azaldu du.