Gizartea -
Ezbeharra
71 urteko gizonezko bat hil da Kortezubin, auto batek harrapatuta
22:40ean jazo da istripua, BI-4244 errepidean, Kortezubi parean. Gurutzetako Ospitalera eraman dute zauritua, baina azkenean hil egin da.
EITB.EUS
71 urteko gizonezko bat hil da larunbat gau honetan Kortezubin (Bizkaia), ibilgailu batek harrapatuta, Eusko Jaurlaritzako Segurtasun Sailak jakitera eman duenez.
22:40ean jazo da istripua, BI-4244 errepidean, Kortezubi parean. Hyundai markako auto batek gizonezkoa harrapatu du. Anbulantzia bat bertaratu da, eta konorterik gabe zegoen biktima artatu du. Gurutzetako Ospitalera eraman dute, baina azkenean hil egin da.
Ertzaintzak ikerketa abiatu du jazoeraren nondik norakoak argitzeko.
Hau zure interesekoa bada, baliteke beste gai hauek ere izatea