Bilbobuseko neguko ordutegia astelehen honetan sartuko da indarrean

Bilbobus Bilboko autobus zerbitzuko neguko ordutegia indarrean sartuko da astelehen honetan, irailak 7, eta horrek aldaketak ekarriko ditu Bilbobus linea bakoitzean. Dena dela, koronabirusagatik ezarritako neurriei eutsiko dizkiete zerbitzu osoan, segurtasuna bermatzeko aldera.

Neguko ordutegiak Bilboko Udaleko webgunean daude eskura, 010 telefonoan, Erabiltzaileen Arreta Bulegoan edo Bilbobuseko app-ean.

Segurtasuna bermatzeko neurriek indarrean jarraitzen dute linea guztietan, baina neguko ordutegiaren ondorioz, linea bakoitzeko ordutegiak aldatuko dira eta urteko sasoi honetara egokitu.

Bestalde, gaueko zerbitzuei dagokionez, "gautxori" autobusaren azken irteera 01:00etan izango da, osasun larrialdiaren ondorioz ezarritako murrizketak direla-eta, Bilboko Udalak jakitera eman duenez.