Gizartea -
Emakumeen kontrako indarkeria
80 urteko gizon bat kondenatu dute Lasarten emaztea mehatxatzeagatik
Epaiak mehatxu delitua egotzi dio 80 urteko erasotzaileari, bere emaztea, 73 urteko emakumea, labana batekin mehatxatzeagatik.
Erredakzioa
80 urteko gizonezkoari 9 hilabete eta 15 eguneko kartzela zigorra jarri diote, bere emazteari, 73 urteko emakumeari, Lasarte-Orian (Gipuzkoa) laban batekin mehatxatzea egotzita.
Sententziak ebatzi duenez, erasoa joan den uztailaren 20an gertatu zen, arratsaldeko 18.00ak inguruan. Senar-emazteek liskar bat izan zuten euren etxebizitzan, eta gizonezkoak laban bat hartu eta emaztea mehatxatu zuen, hurrengoan "okerragoa" izango zela esanez.
Biktima, "urduri eta beldurtuta" etxetik atera eta denda batean sartu zen. Bertatik, alabari deitu zion gertatutakoa kontatzeko.
Epaiak mehatxu delitua egotzi dio erasotzaileari eta bederatzi hilabete eta hamabost eguneko kartzela zigorra jarri diote. Gainera, bi urtez ezingo du bere emaztearengana hurbildu ezta berarekin kontakturik izan ere.
