Gizartea -
San Jorge auzoan
Bi urteko ume bat zauritu da Iruñean, auto batek harrapatuta
Ibilgailua maniobra bat egiten ari zen atzerako martxan haurtxoa harrapatu duenean. Biktima anbulantziaz eraman dute ospitalera "zauri arinekin, antza denez".
Erredakzioa
Bi urteko ume bat Nafarroako Ospitalera eraman dute zaurien larritasuna aztertzeko asmoz, atzerako martxan maniobra bat egiten ari zen auto batek San Jorge auzoan harrapatu ondoren. "Antza denez, zauriak ez dira larriak", esan dute.
Nafarroako Gobernuak nota batean azaldu eta Udaltzainfoak Eferi jakinarazitakoaren arabera, ezbeharra 13:00ak aldera izan da San Jorge etorbideak eta Doctor Labayen kaleek bat egiten duten tokian. Auto bat aparkatzen ari zen eta maniobra bat egin du atzerako martxan, astiro, eta patinetean zebilen umea harrapatu du.
"Ez dirudi larria denik"
Haurrak ibilgailuaren kolpez jaso du gorputzaren beheko partean eta buruan ere kolpea hartu du lurrera jausi denean. Ondorioz, ospitalera eraman dute "zauri larririk gabe, antza denez".
Bestalde, autoaren gidariak SOS-Navarrara deitu du gertatutakoaren berri emateko eta Udaltzaingoaren polizia-etxera joateko asmoa zuela esateko. Gertaera jazo eta gutxira esandakoa bete du.