Gizartea -
Droga operazioa
Estatuko kontrabandoko speed kopuru handiena konfiskatu dute Nafarroan: 175,5 kilo
100.000 MDMA pilula, 270 kilo marihuana eta lau kilo estasi kristalizatu ere atzeman dituzte, besteak beste, eta zortzi pertsona atxilotu dituzte.
Agentziak | Erredakzioa
Polizia Nazionaleko eta Foruzaingoko agenteek, operazio bateratu batean, Estatuko kontrabandoko speed kopururik handiena konfiskatu dute, substantzia estupefaziente horren 175,5 kilo atzeman baitituzte.
Gainera, agenteek 100.000 MDMA pilula, 270 kilo marihuana eta lau kilo estasi kristalizatu atzeman dituzte, besteak beste, Jose Luis Arasti Espainiako Gobernuak Nafarroan duen ordezkariak eta Espainiako eta Foruzaingoko arduradunek prentsaurrekoan azaldu dutenez.
Gainera, zortzi pertsona atxilotu dituzte, Espainiako ipar-mendebaldean drogen banaketa kontrolatzen zuen eta Herbehereekin lotura handia zuen erakunde kriminal bateko kideak direlakoan.